Maca lopov obožava da krade muški donji veš
Za dva mjeseca, tonkinška mačka Bridžit iz Hamiltona donijela je kući 11 pari muških gaća i više od 50 čarapa.
Njena vlasnica Sara Nejtan zabilježila je fotoaparatom čudnu opsesiju svoje mace i objavila fotografiju na svojem Fejsbuk profilu.
"Ovo postaje glupo. Nekome su sigurno potrebne ove stvari", napisala je u postu.
Nejtan izjavila je za BBC da su nevolje počele kada je kod kuće otkrila ‘čudne komade veša’ u gomili za pranje: "Nisu pripadali nikome iz našeg doma. A onda je Bridžit jednog dana došla na balkon, noseći čarapu u ustima, kao što bi nosila mače".
Porodica je u kraju podjelila letke kako bi susjedi bili obaviješteni o aktivnostima ‘malenog lopova’.
"Držanje mačaka unutra nije uobičajeno na Novom Zelandu. Bridžit ne lovi ptice i ne škodi divljem svijetu u okolini, tako da smatramo da nema potrebe da je držimo zatvorenu. A i naše komšije su vrlo tolerantne po tom pitanju. Ali, uskoro se selimo na selo, tako da se nadamo da će joj tamo ponestati prilike da i dalje krade veš", zaključila je Nejtan.
Pratite nas na našoj Facebook i Instagram stranici i Twitter nalogu.
