Kelj sa slaninom i mljevenim mesom

U jelovnik za promjenu treba da ubacite nešto novo, a isplativo je kad na ručku imate više osoba.

Vrijeme pripreme je 35 minuta i vrlo je jednostavna priprema.

Sastojci:

1/2 glavice kelja, oko 750 gr;

1 crvena mesnata paprika;

1 luk;

2 kašike suncokretovog ulja;

400 gr miješanog mljevenog mesa;

100 gr mesnate slanine;

200 gr pavlake za kuvanje;

100 ml vode;

“vegeta”, so, biber, kim.

Priprema:

1. Kelj očistite pa ga rasijecite na četiri dijela. Odsijecite tvrdu sredinu kelja i isjeckajte ga na široke rezance. Papriku očistite i operite pa na kockice srednje veličine nasjeckajte. Luk, takođe, sitno nasjeckajte;

2. U tavi zagrijte ulje na kojem dobro popržite mljeveno meso, oko pet minuta uz miješanje. Poslije četiri minute  dodajte slaninu isječenu na manje kockice i pržite oko minut. Izvadite u plitki lonac i poklopite;

3. Na istoj masnoći od slanine i mesa popržite luk, kelj i papriku oko pet min. Ukoliko vam je tava dovoljno duboka vratite meso u nju, a ako nije povrće dodajte mesu u lonac,  zalijte pavlakom za kuvanje, vodom, dodajte “vegetu”, so i biber prema ukusu i poklopljeno kuvajte desetak minuta.

Pratite nas na našoj Facebook i Instagram stranici i Twitter nalogu.