Dobio novo zaduženje: Psu dali otkaz u policiji jer je bio previše dobar
Prije nekoliko godina, policijski pas Gavel, izuzet je iz psećeg odreda jer je bio previše prijateljski nastrojen. On je zatim dobio mnogo ljepše zaduženje.
Prilikom dresure za policijskog psa, njemački ovčar star šest nedjelja nije pokazivao znake agresije i odlučnosti kada je trebalo da krene u napad. Zbog toga je dobio drugo zaduženje, da u dvorištu kuće guvernera u Kvinslendu, u Australiji, dočekuje goste.
Luksuzno okruženje lijep je dom Gavelu, a on je pokazao da u sebi ima borbenost. Budući da u Australiji živi devet od deset najotrovnijih životinja na svijetu, nije teško naletjeti na njih. Jednom prilikom je tokom šetnje jednu djevojčicu odbranio od zmije otrovnice. Izgleda da je ovaj pas previše prijateljski nastrojen prema ljudima.
Gavel je postao vrlo brzo omiljen među članovima guvernerove kuće, pa je na njegovoj zvaničnoj stranici na Fejsbuku objavljen video posvećen baš njemu.
Pratite nas na našoj Facebook i Instagram stranici i Twitter nalogu.
