Stotine ljudi na pomenu vatrogascu ubijenom prilikom atentata na Trampa
VAŠINGTON – Stotine ljudi okupile su se danas na skupu u znak sjećanja na bivšeg komandanta vatrogasne službe koji je ubijen u pucnjavi na predizbornom skupu u Pensilvaniji kada je izvršen atentat na nekadašnjeg predsjednika SAD Donalda Trampa. Današnji događaj je prvi od dva skupa organizovana u čast vatrogascu Koriju Komperatoreu, prenosi AP.
Ispred mjesta gdje se održava skup sjećanja u gradiću Sarver u Pensilvaniji nalazi se natpis “Počivaj u miru Kori, hvala ti za tvoju službu” kao i logo njegove vatrogasne čete.
Na drugom mjestu u gradu postavljen je još jedan natpis koji glasi “Naše misli i molitve su sa porodicom Komperatore”. Komperatore (50) poginuo je u pucnjavi na izbornom skupu u gradu Batler kada je pokušan atentat na Donalda Trampa, a kako su naveli zvaničnici, posljednje trenutke života proveo je štiteći suprugu i kćerku od puščane vatre.
Pratite nas na našoj Facebook i Instagram stranici i Twitter nalogu.
